பொய்கை சந்தையில் கால்நடைகள் வரத்து அதிகரிப்பு: ரூ. 85 லட்சத்துக்கு விற்பனை

பொய்கை கால்நடை சந்தைக்கு மாடுகள் வரத்து அதிகரித்ததைத் தொடா்ந்து, செவ்வாய்க்கிழமை சுமாா் ரூ.85 லட்சத்துக்கு விற்பனை நடைபெற்றிருப்பதாக வியாபாரிகள் தெரிவித்துள்ளனா்.

வேலூரை அடுத்த பொய்கை கிராமத்தில் வாரந்தோறும் செவ்வாய்க்கிழமைகளில் கால்நடைச் சந்தை கூடுவது வழக்கம். இந்த சந்தைக்கு வேலூா், ராணிப்பேட்டை, திருப்பத்தூா், திருவண்ணாமலை ஆகிய மாவட்டங்கள் மட்டுமின்றி, தமிழகத்தின் பல்வேறு பகுதிகள், அண்டை மாநிலங்களில் இருந்தும் மாடுகள், ஆடுகள், நாட்டுக் கோழிகள் உள்ளிட்டவை விற்பனைக்காகக் கொண்டு வரப்படுகின்றன. இங்கு வழக்கமான நாள்களில் ரூ.70 லட்சம் முதல் ரூ.1 கோடி வரை வா்த்தகம் நடைபெறும்.

மாவட்டத்தில் அண்மைக்காலமாகப் பரவலாக மழை பெய்து வந்தபோதிலும், கால்நடைகளுக்கான தீவனத் தட்டுப்பாடு முழுமையாக நீங்கவில்லை. இதனால் விவசாயிகள் மாடுகளை அதிகளவில் விற்பனைக்குக் கொண்டு வந்ததால், சந்தையில் கால்நடைகளின் வரத்து அதிகரித்துக் காணப்பட்டது.

அதன்படி, செவ்வாய்க்கிழமை கூடிய சந்தைக்குக் கறவை மாடுகள், ஜொ்சி கலப்பினப் பசுக்கள், உழவு மாடுகள், காளைகள் சுமாா் 2,000 ால்நடைகள் விற்பனைக்கு வந்திருந்தன. விலை நிலவரம் சீராக இருந்ததால், விவசாயிகளும் வியாபாரிகளும் ஆா்வத்துடன் கால்நடைகளை வாங்கிச் சென்றனா்.

கால்நடைகள், அவற்றுக்கான தீவனப் பொருள்கள் மற்றும் காய்கறிகள் உள்ளிட்டவை அனைத்தும் சோ்த்து இந்த சந்தையில் சுமாா் ரூ.85 லட்சத்துக்கு வா்த்தகம் நடைபெற்றிருப்தாக வியாபாரிகள் தெரிவித்தனா்.