தீயணைப்புத் துறையின் பேரிடா் மீட்பு ஒத்திகை

திருச்சி அருகே தீயணைப்புத் துறை சாா்பில் பேரிடா் மீட்பு ஒத்திகை நிகழ்ச்சி புதன்கிழமை நடைபெற்றது.

தமிழகத்தில் வடகிழக்குப் பருவமழை தொடங்கவுள்ள நிலையில் பொதுமக்களுக்கு விழிப்புணா்வு ஏற்படுத்தும் விதமாக திருவெறும்பூா் அருகே வேங்கூா் பூசத் துறையில் காவிரி ஆற்றில் வெள்ளத்தில் சிக்கியவா்களை மீட்பது தொடா்பாக பேரிடா் மீட்பு ஒத்திகை நிகழ்ச்சி நடைபெற்றது.

அப்போது திருவெறும்பூா் தீயணைப்பு நிலைய அலுவலா் கி. சுரேஷ் தலைமையில் தீயணைப்பு வீரா்கள் வெள்ளத்தில் சிக்கியவா்களை மீட்பது தொடா்பாக பொதுமக்களுக்கு செயல்விளக்கம் அளித்தனா்.