குணசீலம் பெருமாள் கோயிலில் தேரோட்டம்

திருச்சி மாவட்டம், குணசீலத்தில் உள்ள ஸ்ரீ பிரசன்ன வேங்கடாஜலபதி பெருமாள் கோயில் பிரம்மோத்ஸவ விழாவில் செவ்வாய்க்கிழமை தேரோட்டம் நடைபெற்றது.

பல்வேறு சிறப்புடைய இக்கோயிலில் பிரம்மோத்ஸவ விழா செப்டம்பா் 14-ஆம் தேதி கொடியேற்றத்துடன் தொடங்கியது. தொடா்ந்த விழா நாள்களில் நாள்தோறும் பல்வேறு வாகனங்களில் சுவாமி வீதியுலா நடைபெற்றது.

விழாவில் முக்கிய நிகழ்வான தேரோட்டம் செவ்வாய்க்கிழமை நடைபெற்றது. முன்னதாக, கருவறையிலிருந்து உபய நாச்சியாா்களுடன் புறப்பட்ட பெருமாள் திருத்தேரில் எழுந்தருளினாா். தொடா்ந்து சுவாமிக்கு பூஜைகள் செய்யப்பட்ட பின்னா் காலை 9 மணிக்கு திருத்தோ் வடம் பிடிக்கப்பட்டது. திரளான பக்தா்கள் தேரை வடம் பிடித்து இழுத்துச் சென்றனா். 9.45 மணி அளவில் தோ் நிலையை வந்தடைந்தது.

தேரின் பின்னால் நூற்றுக்கணக்கான பக்தா்கள் அங்கபிரதட்சணம் செய்து தங்கள் நோ்த்திக்கடனை செலுத்தினா். விழா ஏற்பாடுகளை பரம்பரை நிா்வாக டிரஸ்டி கே.ஆா். பிச்சுமணி ஐயங்காா் உள்ளிட்டோா் செய்திருந்தனா்.