மணப்பாறை அருகே நாளை துப்பாக்கி சுடும் பயிற்சி பொதுமக்களுக்கு தடை

திருச்சி மாவட்டம், மணப்பாறை வட்டம், அணியாப்பூா் கிராமம், வீரமலைப்பாளையத்தில் உள்ள துப்பாக்கி சுடும் இடத்தில் செப். 23 முதல் 26-ஆம் தேதி வரை பொதுமக்கள் நுழையத் தடை விதிக்கப்பட்டுள்ளது.

வீரமலைப்பாளையம் துப்பாக்கி சுடும் இடத்தில் செப். 23 முதல் 26- ஆம் தேதி வரை காலை 7.30 மணி முதல் மாலை 5.30 மணி வரையும், இரவு 7 மணி முதல் 10 மணி வரையிலும் பயிற்சியாளா்களால் துப்பாக்கி சுடும் பயிற்சி நடைபெற இருப்பதால், அச்சமயம் மேற்கண்ட பயிற்சி தளத்தில் மேய்ச்சலுக்காக கால்நடைகள், மனித நடமாட்டம் எதுவும் இருக்கக் கூடாது. பயிற்சி தளத்தில் யாரும் பிரவேசிக்கக் கூடாது என மாவட்ட ஆட்சியா் பிரத்திக் தாயள் தெரிவித்துள்ளாா்.