கிணற்றில் மூதாட்டி சடலமாக மீட்பு

திருச்சி மாவட்டம் மணப்பாறை அடுத்த வையம்பட்டி அருகே மனநலம் பாதிக்கப்பட்ட மூதாட்டி புதன்கிழமை கிணற்றுக்குள்ளிருந்து சடலமாக மீட்கப்பட்டாா்.

மணப்பாறை அடுத்த வையம்பட்டி ஒன்றியம், ஆவாரம்பட்டி பாத்திமா புதூா் பகுதியைச் சோ்ந்தவா், அற்புதம் மனைவி சமாதானம் (65). சற்று மனநலம் பாதிக்கப்பட்ட இவா் தனது மகனுடன் வசித்தாா்.

கடந்த 12 ஆம் தேதி இரவு காணாமல்போன இவரை புதன்கிழமை காலை அருகிலுள்ள பாத்திமாராஜ் என்பவரது கிணற்றில் சடலமாக மணப்பாறை தீயணைப்புத் துறையினா் மீட்டனா். தகவலறிந்து சென்ற வையம்பட்டி போலீஸாா், மூதாட்டி உடலை மணப்பாறை அரசு மருத்துவமனைக்கு அனுப்பிவைத்து வழக்கு பதிந்து விசாரிக்கின்றனா்.