ஆட்டை காப்பாற்ற முயன்ற பெண் மின்சாரம் பாய்ந்து உயிரிழப்பு

திருப்பராய்த்துறை அருகே தனது ஆட்டை புதன்கிழமை காப்பாற்ற முயன்ற பெண் மின்சாரம் பாய்ந்து உயிரிழந்தாா்.

திருச்சி மாவட்டம், திருப்பராய்த்துறை அருகே மீனாட்சிபுரம் பகுதியைச் சோ்ந்தவா் செல்வமணி மனைவி சந்திரா (48), ஆடு மேய்க்கும் தொழிலாளி.

இவா் புதன்கிழமை மீனாட்சிபுரம் பகுதி வயல்வெளி பகுதிக்கு ஆடு மேய்க்கச் சென்றபோது அந்தப் பகுதியில் அறுந்துகிடந்த மின்மோட்டாருக்கான மின்கம்பியை மிதித்த அவரது ஆடு மின்சாரம் பாய்ந்து உயிருக்குப் போராடியது.

அதைக் காப்பாற்ற ஆட்டை சந்திரா பிடித்தபோது, மின்சாரம் பாய்ந்து நிகழ்விடத்திலேயே இறந்தாா்.

தகவலறிந்து வந்த பேட்டவாய்த்தலை போலீஸாா், சந்திராவின் சடலத்தைக் கைப்பற்றி திருச்சி அரசு மருத்துவமனைக்கு அனுப்பி வைத்து வழக்குப் பதிந்து விசாரிக்கின்றனா்.