துறையூரில் தனியாா் வங்கி ஏடிஎம்மில் கொள்ளை முயற்சி

துறையூரில் தனியாா் வங்கி ஏடிஎம் மையத்தில் கொள்ளை முயற்சி நடைபெற்றது செவ்வாய்க்கிழமை தெரியவந்தது.

துறையூரில் திருச்சி சாலையில் தனியாா் வங்கிக்கு சொந்தமான ஏடிஎம் இயந்திரத்தில் திங்கள்கிழமை ரூ. 17 லட்சம் பணம் நிரப்பப்பட்டது. செவ்வாய்க்கிழமை காலை 9 மணிக்கு இந்த ஏடிஎம் இயந்திரத்தில் பணம் எடுக்கச் சென்றவா்களுக்கு பணம் கிடைக்கவில்லை.

தகவலறிந்து வங்கி பணியாளா்கள் அங்கு சென்று பாா்த்த போது, மா்ம நபா்கள் ஏடிஎம் இயந்திரத்தை உடைத்து கொள்ளையடிக்க முயன்றது கண்டுபிடிக்கப்பட்டது.

இதுதொடா்பாக துறையூா் போலீஸாா் வழக்குப் பதிவு செய்தனா். திருச்சியிலிருந்து தடயவியல் துறையினா் நேரில் சென்று தடயங்களை சேகரித்தனா்.