பணிநிரவல் அரசாணைக்கு எதிராக அரசு மருத்துவா்கள் வாயில் கூட்டம்

அரசு மருத்துவமனைகளில் மருத்துவா்கள் பணிநிரவல் அரசாணை 113 ஐ மறுசீராய்வு செய்யக் கோரி அரசு மருத்துவா்கள் மற்றும் பட்டமேற்படிப்பு மருத்துவா்கள் சங்கம் சாா்பில் திருச்சியில் புதன்கிழமை வாயில் கூட்டம் நடைபெற்றது.

திருச்சி மாவட்ட சுகாதாரத் றை இணை இயக்குநா் அலுவலக வளாகத்தில் நடைபெற்ற கூட்டத்துக்கு சங்கத்தின் மாநிலப் பொருளாளா் த. அருளீஸ்வரன் தலைமை வகித்தாா். சங்கத்தின் மாவட்டச் செயலா் தங்கவேல் முன்னிலை வகித்தாா்.

நிகழ்வில் இந்திய பொது சுகாதார நிா்ணயத்தின்படி (ஐபிஎச்எஸ்) திருச்சி மாவட்ட அரசு மருத்துவமனைகளுக்கு 337 மருத்துவா்கள் தேவைப்படும் நிலையில், தற்போதுள்ள 134 மருத்துவா் பணியிடங்களையும் 118 ஆகக் குறைத்திடும் அரசாணை 113 ஐ மறுசீராய்வு செய்ய வேண்டும்.

இந்த ஆள்குறைப்பு அரசாணை நிறைவேறினால் மணப்பாறை, ஸ்ரீரங்கம், முசிறி, துவாக்குடி, துறையூா் உள்ளிட்ட அரசு மருத்துவமனைகள், மாவட்டத்தின் இதர மருத்துவமனைகளில் அறுவைச் சிகிச்சை, மகப்பேறு, அவசரச் சிகிச்சைகள், டயாலிசிஸ் உள்ளிட்ட அத்தியாவசிய மக்கள் நலச் சேவைகள் வெகுவாகப் பாதிக்கப்படும். எனவே, இதில் தமிழக முதல்வா், சுகாதாரத் துறை அமைச்சா் தலையிட்டு உரிய நடவடிக்கை எடுக்க வேண்டும் என வலியுறுத்தப்பட்டது.

கூட்டத்தில் திரளான அரசு மருத்துவா்கள் கோரிக்கைகளை வலியுறுத்தினா்.