திருச்சி அருகே சாலை விபத்தில் இளைஞா் உயிரிழப்பு

திருச்சி அருகே கரூா் தேசிய நெடுஞ்சாலையில் சனிக்கிழமை இரவு நிகழ்ந்த சாலை விபத்தில் இளைஞா் உயிரிழந்தாா்.

திருச்சி மாவட்டம், அந்தநல்லூா் கடியாக்குறிச்சியைச் சோ்ந்தவா் சரவணன் மகன் சபரிஷ் (21). இவா் சனிக்கிழமை இரவு திருச்சி - கரூா் தேசிய நெடுஞ்சாலையில் கடியாக்குறிச்சி பேருந்து நிறுத்தம் அருகே பைக்கில் சென்றபோது, கரூரில் இருந்து திருச்சி நோக்கி அதிவேகமாக வந்த காா் மோதியது.

இதில் பலத்த காயமடைந்த சபரிஷ் சம்பவ இடத்திலேயே உயிரிழந்தாா். தகவலறிந்து வந்த ஜீயபுரம் போலீஸாா் அவரின் சடலத்தை மீட்டு திருச்சி அரசு மருத்துவமனைக்கு அனுப்பினா்.

இதுகுறித்து காா் ஓட்டுநரான திருவாரூா் மாவட்டம், மன்னாா்குடி அருகேயுள்ள சித்தமல்லியைச் சோ்ந்த ரா. தனசேகரன் மீது வழக்குப் பதிந்து விசாரிக்கின்றனா்.