கும்பகோணத்தில் குடிநீரில் கழிவுநீா் கலப்பு

தஞ்சாவூா் மாவட்டம், கும்பகோணம் 14 -ஆவது வாா்டில் குடிநீரில் கழிவு நீா் கலப்பதால் காய்ச்சல் பரவும் அச்சத்தில் பொதுமக்கள் உள்ளனா்.

கும்பகோணம் மாநகராட்சி 14- ஆவது வாா்டு இபி காலனி, ஆலையடி, பேட்டை வடக்குத்தெரு உள்ளிட்ட பகுதிகளில் குடிநீரில் கழிவு நீா் கலப்பதாக பொதுமக்கள் புகாா் தெரிவித்தனா். இதையடுத்து அப்பகுதியில் குடிநீா் விநியோகத்தை நிறுத்திவிட்டு கழிவுநீா் கலப்பதை கண்டுபிடிப்பதற்காக படஇடங்களில் பள்ளங்களை தோண்டினா். ஆனால், குடிநீரில் கழிவு நா் கலப்பதை கண்டறிய முடியவில்லை. தோண்டப்பட்ட பள்ளங்களையும் முறையாக மூடவில்லை.

எனவே, மாநகராட்சி குடிநீா் பிரிவு அதிகாரிகள் விரைவில் கழிவுநீா் கலப்பதை கண்டறிந்து தடுப்பு நடவடிக்கைகளை மேற்கொள்ள வேண்டும் என்று மக்கள் கோரிக்கை விடுத்தனா்.