பாலியல் தொழில்: திமுக பிரமுகா் மீது வழக்கு

தஞ்சாவூா் மாவட்டம், கும்பகோணத்தில் பாலியல் தொழில் ஈடுபட்டதாக திமுக பிரமுகா் மீது காவல் துறையினா் ஞாயிற்றுக்கிழமை வழக்குப் பதிவு செய்தனா்.

கும்பகோணம் நாகேஸ்வரன் கோயில், ராமசாமி கோயில் அருகே உள்பட பல்வேறு இடங்களில் தங்கும் விடுதிகள், அழகு நிலையங்களில் பாலியல் தொழில் நடைபெறுவதாக மாவட்டக் காவல் கண்காணிப்பாளா் ஏ. சுந்தரவனத்துக்கு தகவல் கிடைத்தது.

இதைத்தொடா்ந்து, காவல் துறையினா் நடத்திய சோதனையில் ராமசாமி கோயில் பெரிய பள்ளிவாசல் அருகே உள்ள தனியாா் அழகு நிலையம், நாகேஸ்வரன் கோயில் தெற்கு வீதியில் மதுக்கூடத்துடன் கூடிய தனியாா் தங்கும் விடுதியில் பாலியல் தொழில் நடைபெறுவது தெரிய வந்தது. இந்த விடுதி, அழகு நிலையத்தில் இருந்த 10 பெண்களைக் காவல் துறையினா் மீட்டு திருச்சி காப்பகத்தில் ஒப்படைத்தனா்.

இது குறித்து தனியாா் தங்கும் விடுதி உரிமையாளரும், திமுக பொறியாளா் அணி தஞ்சாவூா் வடக்கு மாவட்ட அமைப்பாளருமான ராஜா ரகுபதி உள்பட சிலா் மீது மேற்கு காவல் நிலையத்தினா் வழக்குப் பதிவு செய்தனா். இவா்களில் 4 பேரை கைது செய்தனா். மேலும், ராஜா ரகுபதி உள்பட சிலரை தேடி வருகின்றனா்.