ரேஷன் கடைகளில் இன்று இ-கேஒய்சி சிறப்பு முகாம்

தஞ்சாவூா் மாவட்டத்திலுள்ள நியாய விலைக் கடைகளில் இ-கேஒய்சி சிறப்பு முகாம் சனிக்கிழமை (செப்.19) நடைபெறவுள்ளது.

இதுகுறித்து மாவட்ட ஆட்சியா் இரா. ரேவதி தெரிவித்திருப்பது:

தஞ்சாவூா் மாவட்டத்தில் பொது விநியோகத் திட்டத்தின் கீழ் செயல்படும் நியாய விலைக் கடைகளில் அத்தியாவசியப் பொருள்கள் பெறும் ஏ.ஏ.ஒய்., பி.எச்.எச்., என்.பி.எச்.எச். ஆகிய குடும்ப அட்டை பயனாளிகள் அனைத்து நியாய விலைக் கடைகளிலும் விற்பனை முனைய இயந்திரம் மூலமாக விரல் ரேகை, கண் கருவிழி சரிபாா்ப்பின் மூலம் இ-கே.ஒய்.சி. மேற்கொள்ள ஆக. 2, 8, 9, 29 ஆகிய தேதிகளில் சிறப்பு முகாம் நடத்தப்பட்டது.

இதில், விடுபட்ட பயனாளிகளுக்கு மீண்டும் சிறப்பு முகாம் சனிக்கிழமை அனைத்து நியாய விலை கடைகளில் நடத்தப்படவுள்ளது. இ-கே.ஒய்.சி. பதிவை நூறு சதவீதம் நிறைவும் செய்யும்விதமாக நடத்தப்படும் இந்த முகாமை பொதுமக்கள் பயன்படுத்திக் கொள்ளலாம்.