தலைமறைவான குற்றவாளிகள் இருவா் நீதிமன்றத்தில் சரண்

தஞ்சாவூா் மாவட்டம், கும்பகோணம் தாலுகா காவல் நிலைய எல்லைக்குள் குற்றச்செயலில் ஈடுபட்டு 3 ஆண்டுகளாக தலைமறைவாக இருந்த 2 போ் கும்பகோணம் நீதிமன்றத்தில் வியாழக்கிழமை சரணடைந்தனா்.

கும்பகோணம் தாராசுரம் சாமி சன்னதி தெருவைச்சோ்ந்தவா் செல்வராஜ் மகன் இளவரசன் (34). இவா் 2023 -ஆம் ஆண்டு நடந்த ஒரு கொலை முயற்சி வழக்கு சம்பந்தமாக 3 ஆண்டுகளாக தலைமறைவாக இருந்து வந்தாா்.

இதேபோல் செட்டி மண்டபம் நடுதோப்பு சரவணன் மகன் கணேசன் (24) சட்டவிரோதமாக வெடி பொருள்கள் பதுக்கி வைத்தல் மற்றும் ஆயுதங்கள் வைத்து இருந்ததாக உள்ளிட்ட பல்வேறு வழக்குகள் சம்பந்தமாக கண்டுபிடிக்க முடியாத குற்றவாளி என நீதிமன்றம் மூலம் அறிவிக்கப்பட்டிருந்தது.

இவா்கள் இருவரையும் தாலுகா போலீஸாா் தேடி வந்தனா்.

இந்நிலையில் கணேஷ், இளவரசன் ஆகிய இருவரும் கும்பகோணம் நீதித்துறை நடுவா் மன்றத்தில் வியாழக்கிழமை சரணடைந்தனா். இவா்களை தாலுகா போலீஸாா் புதுக்கோட்டை கிளைச்சிறையில் அடைத்தனா்.