சாலை விபத்தில் பெண் தொழிலாளி உயிரிழப்பு

பாபநாசம் அருகே புதன்கிழமை நான்கு சக்கர வாகனம் மோதியதில் பெண் கூலித் தொழிலாளி உயிரிழந்தாா்.

பாபநாசம் வட்டம், அம்மாபேட்டை ஒன்றியம், உடையாா்கோவில் கிராமம், ஆதிதிராவிடா் தெருவைச் சோ்ந்த அருளானந்தம் மனைவி ஆகினேஸ்வரி (48). இத்தம்பதிக்கு 2 குழந்தைகள்.

ஆகினேஸ்வரி சித்தாள் வேலை செய்து வந்தாா். புதன்கிழமை அவருடன் வேலை செய்யும் கொத்தனாா் முருகானந்தம் என்பவருடன் அம்மாபேட்டை அருகே உள்ள மருதகுடி கிராமத்துக்கு வேலைக்கு செல்வதற்காக முருகானந்தம் மோட்டாா் சைக்கிளில்  பின்னால் அமா்ந்து சென்று கொண்டிருந்தாா்.

முருகானந்தம் ஓட்டிச் சென்ற வாகனம், தஞ்சை - நாகை தேசிய நெடுஞ்சாலையில் பல்லவராயன்பேட்டை பகுதியில் சென்றபோது, தஞ்சாவூரிலிருந்து நாகப்பட்டினம் நோக்கி சென்று கொண்டிருந்த நான்கு சக்கர வாகனம் இருசக்கர வாகனத்தின் பின்னால் மோதியது. இதில் நிலைதடுமறி கீழே விழுந்த ஆகினேஸ்வரி சம்பவ இடத்திலேயே உயிரிழந்தாா்.

தகவலறிந்து சம்பவ இடத்துக்கு சென்ற அம்மாபேட்டை போலீஸாா், ஆகினேஸ்வரியின் சடலத்தை கைப்பற்றி, கூறாய்வுக்காக பாபநாசம் அரசு மருத்துவமனைக்கு அனுப்பி வைத்தனா். மேலும், புகாரின் பேரில் வழக்குப் பதிந்து விசாரிக்கின்றனா்.