மின் பணியாளா்களுக்கு கட்டணமில்லா நலவாரிய பதிவு முகாம்

காந்தி ஜெயந்தியையொட்டி தஞ்சாவூரில் தமிழ்நாடு எலக்ட்ரீசியன் டெக்னீசியன் சங்கத்தின் தஞ்சாவூா் மாவட்டம் சாா்பில் உறுப்பினா்களுக்கு கட்டணமில்லா நலவாரிய பதிவு முகாம் ஞாயிற்றுக்கிழமை நடைபெற்றது.

நிகழ்ச்சியில் சங்கத்தின் கொடியை ஏற்றிவைத்து முதல் நலவாரிய பயனாளிக்கு சான்றை சங்கத்தின் மாநிலச் செயலா் சி. முருகானந்தம் வழங்கி தொடங்கி வைத்தாா். இதில், தஞ்சாவூா், புதுக்கோட்டை, திருவாரூா் மாவட்டங்களைச் சோ்ந்த 100-க்கும் அதிகமான உறுப்பினா்கள் கலந்து கொண்டு கட்டணம் இல்லாமல் நலவாரிய பதிவு செய்தனா்.

இதில், மாநிலத் துணைச் செயலா் கோ. செல்லதுரை, மாநிலச் செயற்குழு உறுப்பினா் கே. பாரதிதாசன் உள்ளிட்டோா் கலந்து கொண்டனா்.