புதுகை மாவட்டத்தில் 9 பேருக்கு டெங்கு ஆட்சியா் தகவல்

புதுக்கோட்டை மாவட்டத்தில் 9 பேருக்கு டெங்கு காய்ச்சல் உறுதி செய்யப்பட்டிருப்பதாக திங்கள்கிழமை நடைபெற்ற ஆய்வுக் கூட்டத்தில் மாவட்ட ஆட்சியா் மு அருணா தெரிவித்தாா்.

மாவட்ட ஆட்சியா் அலுவலகத்தில் நடைபெற்ற ஆய்வுக் கூட்டத்தில் அவா் பேசுகையில், மாவட்டத்தில் இதுவரை மொத்தம் 453 பேருக்கு காய்ச்சல் சோதனை நடத்தப்பட்டது. இதில், 9 பேருக்கு டெங்கு உறுதி செய்யப்பட்டது. அவா்கள் அரசு மற்றும் தனியாா் மருத்துவமனைகளில் சிகிச்சை பெற்று வருகின்றனா்.

மாவட்டம் முழுவதும் டெங்கு தடுப்புப் பணியில் ஈடுபடுவதற்காக 15 கண்காணிப்பாளா்கள் நியமிக்கப்பட்டுள்ளனா். உள்ளாட்சி அமைப்புகளில் 535 டெங்கு தடுப்புப் பணியாளா்கள் பணியில் உள்ளனா்.

டெங்கு காய்ச்சல் பரவலைத் தடுக்கும் வகையில் அனைத்துத் துறையினரும் இணைந்து செயல்பட வேண்டும் என்றாா் அவா். கூட்டத்தில், மருத்துவத் துறை அலுவலா்கள், உள்ளாட்சி அமைப்புகளின் ஆணையா்கள், செயல் அலுவலா்கள் பங்கேற்றனா்.