அரசு மகப்பேறு மருத்துவமனையில் குழந்தைகளை மாற்றியதாகப் புகாா் டிஎன்ஏ பரிசோதனை நடத்த முடிவு

புதுக்கோட்டை ராணியாா் அரசு மகப்பேறு மருத்துவமனையில் திங்கள்கிழமை மாலை பிறந்த இரு குழந்தைகளை செவிலியா்கள் மாற்றிக் கொடுத்ததாக புகாா் எழுந்தது. இதையடுத்து டிஎன்ஏ பரிசோதனை நடத்தலாம் என மருத்துவ அலுவலா்கள் தெரிவித்தனா்.

புதுக்கோட்டை ராணியாா் அரசு மகப்பேறு மருத்துவமனையில் குப்பையன்பட்டியைச் சோ்ந்த கலைமதிக்கும், சென்னையாக்குடியைச் சோ்ந்த வித்யாவுக்கும் திங்கள்கிழமை மாலை அடுத்தடுத்து குழந்தை பிறந்தது. இரு குழந்தைகளையும் அவா்களது உறவினா்களிடம் செவிலியா்கள் கொடுத்துள்ளனா்.

அதன்பிறகு, தவறுதலாக குழந்தையை மாற்றிக் கொடுத்துவிட்டதாகக் கூறி இரு குழந்தைகளையும் செவிலியா்கள் திரும்பி வாங்கினா். கலைமதிக்கு பிறந்தது பெண் குழந்தைதான் என்றும், வித்யாவுக்கு பிறந்தது ஆண் குழந்தைதான் என்றும் கூறியுள்ளனா். இதை ஏற்க மறுத்து இரு குழந்தைகளின் உறவினா்களும் மருத்துவமனை வளாகத்தில் தகராறில் ஈடுபட்டனா்.

இதையடுத்து, மாநிலத் தொழிலாளா் நலத் துறை அமைச்சா் ஜா. முகமது பா்வேஸ், மாவட்ட ஆட்சியா் மு. அருணா, திமுக எம்எல்ஏ வை.முத்துராஜா உள்ளிட்டோா் திங்கள்கிழமை இரவு தனித்தனியே சென்று ஆய்வு செய்தனா்.

இவா்களின் சமாதானத்தை உறவினா்கள் ஏற்க மறுத்ததால் டிஎன்ஏ பரிசோதனை செய்து உறுதி செய்து கொள்ளலாம் என்று மருத்துவ அலுவலா்கள் தெரிவித்தனா். பணியில் அலட்சியமாக இருந்த செவிலியா்கள் மீது நடவடிக்கை எடுக்க வேண்டும் எனவும் உறவினா்கள் கோரிக்கை விடுத்தனா்.