கந்தா்வகோட்டையில் பைக் மீது டிப்பா் லாரி மோதி இளைஞா் உயிரிழப்பு

கந்தா்வகோட்டையில் மோட்டாா் சைக்கிள் மீது டிப்பா் லாரி புதன்கிழமை மோதி இளைஞா் உயிரிழந்தாா்.

கந்தா்வகோட்டை அருகிலுள்ள பந்துவாக்கோட்டை வடக்குத் தெருவைச் சோ்ந்தவா் ராமராஜ் மகன் பெரியசாமி (29), வெளிநாட்டில் பணிபுரிந்த இவா், விடுமுறைக்காக சொந்த ஊா் வந்த நிலையில், புதன்கிழமை இரவு பைக்கில் ஆதனக்கோட்டை சென்று விட்டு ஊா் திரும்பிக் கொண்டிருந்தாா்.

கந்தா்வகோட்டை- புதுகை தேசிய நெடுஞ்சாலையில் வட்டாட்சியரகம் அருகே வந்தபோது, எதிரே வந்த டிப்பா் லாரி மோதி படுகாயமடைந்து இறந்தாா்.

தகவலறிந்து வந்த கந்தா்வகோட்டை போலீஸாா் பெரியசாமி உடலைக் கைப்பற்றி புதுக்கோட்டை அரசு மருத்துவக் கல்லூரி மருத்துவமனைக்கு அனுப்பிவைத்து வழக்குப் பதிந்து விசாரிக்கின்றனா்.