பெரம்பலூா் அருகே வாகனம் மோதி புள்ளி மான் உயிரிழப்பு

பெரம்பலூா் அருகே அடையாளம் தெரியாத வாகனம் மோதியதில் ஆண் புள்ளி மான் ஞாயிற்றுக்கிழமை உயிரிழந்தது.

பெரம்பலூா்-துறையூா் சாலையில் உள்ள நக்கசேலம் புறவழிச் சாலையில் ஞாயிற்றுக்கிழமை காலை 2 வயது ஆண் புள்ளி மான் ஒன்று சாலையைக் கடக்க முயன்றதாக தெரிகிறது.

அப்போது, அவ்வழியேச் சென்ற அடையாளம் தெரியாத வாகனம் மோதியதில் பலத்த காயமடைந்த மான், நிகழ்விடத்திலேயே உயிரிழந்தது.

தகவலறிந்த வனத்துறையினா் சம்பவ இடத்துக்குச் சென்று, மானின் உடலை மீட்டு கால்நடை மருத்துவரின் உதவியுடன் பிரேதப் பரிசோதனை மேற்கொண்டு, அங்குள்ள வனப்பகுதியில் அடக்கம் செய்தனா்.