கரூா் - ஈரோடு சாலையில் மழை நீருடன் தேங்கிய கழிவுநீா்: வாகன ஓட்டிகள் அவதி

கரூா்- ஈரோடு சாலையில் குளம்போலத் தேங்கிக்கிடக்கும் மழைநீருடன் கலந்த கழிவு நீரால் வாகன ஓட்டிகள் கடும் அவதிக்குள்ளாகின்றனா்.

கரூரை அடுத்த ஆண்டாங்கோவில் மேற்கு ஊராட்சிக்குட்பட்ட 1-ஆவது வாா்டில் காவல்காரத் தெரு, ஆத்தூா்புதூா், மருத்துவா் நகா் உள்ளிட்ட பகுதிகள் உள்ளன. இந்த பகுதிகளில் இருந்து வெளியேறும் கழிவுநீரை வெளியேற்றும் வகையில் கரூா்-ஈரோடு சாலையோரம் கழிவுநீா் வாய்க்கால் அமைக்கப்பட்டுள்ளன. இந்த வாய்க்கால் தற்போது தூா்ந்துபோயும், பல இடங்களில் சேதமடைந்தும் உள்ளது. இந்நிலையில் கடந்த இரு நாள்களாக இரவு நேரங்களில் அப்பகுதிகளில் பெய்த மழையால் கழிவுநீா் வாய்க்காலில் மழைநீரும், கழிவுநீரும் செல்ல வழியின்றி கரூா்-ஈரோடு சாலையில் மருத்துவா் நகா் பகுதியில் குளம்போலத் தேங்கிக்கிடக்கிறது. தண்ணீரில் துா்நாற்றம் வீசுவதால் வாகன ஓட்டிகள் அவதியுறுகிறாா்கள்.

மேலும் தண்ணீா் செல்ல வழியின்றி பல நாள்கள் தேங்கும் நிலை உள்ளதால், தற்போது டெங்கு காய்ச்சல் பரவிவிடுமோ என்ற அச்சத்தில் பொதுமக்கள் உள்ளனா். எனவே மாவட்ட நிா்வாகம் இதற்கு உரிய நடவடிக்கை எடுக்க பொதுமக்கள் கோரிக்கை விடுத்துள்ளனா்.