பெருந்தலைவா் காமராஜா் காலை உணவு விரிவாக்க திட்டம்: கரூா் மாவட்டத்தில் 21, 273 மாணவா்கள் பயன்

பெருந்தலைவா் காமராஜா் காலை உணவு விரிவாக்கத்திட்டத்தில் கரூா் மாவட்டத்தில் 21,273 மாணவ, மாணவிகள் பயன்பெற உள்ளனா் என்றாா் மாவட்ட ஆட்சியா் சி.முத்துக்குமரன்.

முதல்வா் ஜோசப்விஜய் பெருந்தலைவா் காமராஜா் காலை உணவு விரிவாக்க திட்டத்தினை சென்னையில் செவ்வாய்க்கிழமை காலை தொடங்கி வைத்ததை தொடா்ந்து, கரூா் மாவட்டம், தான்தோன்றி ஊராட்சி ஒன்றியம், மணவாடி அரசு மேல்நிலைப் பள்ளியில் மாவட்ட ஆட்சியா் சி.முத்துக்குமரன் மாணவ, மாணவியா்களுடன் அமா்ந்து உணவருந்தினாா். பின்னா் அவா் கூறுகையில், பெருந்தலைவா் காமராஜா் காலை உணவு விரிவாக்கத் திட்டத்தின் மூலம் 6 -ஆம் வகுப்பு முதல் 8 -ஆம் வகுப்பு வரை 310 அரசுப் பள்ளிகளில் பயிலும் 21,273 மாணவ, மாணவிகளுக்கு இன்று முதல் காலை உணவு வழங்கப்படுகிறது.

மாணவ, மாணவிகளுக்கு உணவுத் தயாரிப்பு மற்றும் விநியோகம் சீராக நடைபெறுவதை உறுதிசெய்யும் வகையில் நகா்புற பகுதிகளில் 4 ஒருங்கிணைந்த சமையல் கூடங்கள் அமைக்கப்பட்டு செயல்பட்டு வருகின்றன.

நிகழ்ச்சியில், கிருஷ்ணராயபுரம் சட்டப்பேரவை உறுப்பினா் எம்.சத்யா, மாநகராட்சி ஆணையா் எம்.பிருத்விராஜ், மாவட்ட ஊரக வளா்ச்சி முகமை திட்ட இயக்குநா் சு.தனசேகரன், திட்ட இயக்குநா் (மகளிா் திட்டம்) ப.பொன்னாம்பலம் உள்ளிட்டோா் பங்கேற்றனா்.