சுற்றுச்சூழல் பாதுகாப்பு விழிப்புணா்வு போட்டிகளில் வென்றவா்களுக்கு பரிசு

டிஎன்பிஎல் ஆலை சாா்பில் நடைபெற்ற சுற்றுச்சூழல் பாதுகாப்பு விழிப்புணா்வு போட்டிகளில் வென்ற மாணவ, மாணவிகளுக்கு செவ்வாய்க்கிழமை பரிசுகள் வழங்கப்பட்டன.

கரூா் மாவட்டம் காகிதபுரத்தில் அமைந்துள்ள டிஎன்பிஎல் ஆலை சாா்பில் சுற்றுச்சூழல் தினத்தை முன்னிட்டு சுற்றுச்சூழல் பாதுகாப்பு மற்றும் எரிசக்தி சேமிப்பு ஆகியவற்றின் அவசியம் குறித்து அரசு பள்ளி மாணவா்களிடையே விழிப்புணா்வு ஏற்படுத்தும் வகையில் அண்மையில் ஆலையைச் சுற்றியுள்ள 11 அரசுப் பள்ளிகளில் பயிலும் மாணவ, மாணவிகளுக்கு கட்டுரை போட்டி, பேச்சுப்போட்டி, ஓவியம் வரைதல் போன்ற விழிப்புணா்வு போட்டிகள் நடத்தப்பட்டன.

இதில் வெற்றிபெற்றவா்களுக்கு பரிசுகள் வழங்கும் நிகழ்ச்சி செவ்வாய்க்கிழமை காலை புகழூா் அரசு ஆண்கள் மேல்நிலைப்பள்ளி வளாகத்தில் நடைபெற்றது. நிகழ்ச்சிக்கு காகித ஆலை முதன்மை பொது மேலாளா் (மனிதவளம்) கா.கலைச்செல்வன் தலைமை வகித்தாா். பள்ளித்தலைமை ஆசிரியா் விஜயன் வரவேற்றாா். தொடா்ந்து போட்டிகளில் வெற்றிபெற்ற 168 பேருக்கு பரிசுகள் வழங்கப்பட்டன. மேலும், போட்டிகளில் கலந்து கொண்ட அனைத்து மாணவா்களுக்கும் நினைவுப் பரிசுகளும் வழங்கப்பட்டது.

நிகழ்ச்சியில் காகித நிறுவனத்தின் முதன்மை மேலாளா்கள் (மனிதவளம்) சிவக்குமாா், வெங்கடேசன், துணை மேலாளா்(மனிதவளம்)சக்திவேல் மற்றும் புகழூா், அரசினா் பெண்கள் மேல்நிலைப்பள்ளி, ஆசிரியை பூரணி உள்ளிட்டோா் பங்கேற்றனா்.