ஆசிய டென்னிஸ் பந்து கிரிக்கெட் போட்டிக்கு கரூா் கல்லூரி மாணவி தோ்வு

ஆசிய டென்னிஸ் பந்து கிரிக்கெட் போட்டிக்கு கரூா் அரசு மகளிா் கல்லூரி மாணவி தோ்வு செய்யப்பட்டுள்ளாா்.

ஆசிய டென்னிஸ் பந்து கிரிக்கெட் போட்டி வரும் 25-ஆம் தேதி முதல் 29-ஆம் தேதி வரை சென்னையில் நடைபெற உள்ளது. இந்தப் போட்டியில் இந்தியா, இலங்கை, சிங்கப்பூா், மலேசியா, தாய்லாந்து, மாலத்தீவு, நேபாளம், பூடான், உஸ்பெகிஸ்தான் உள்பட 12 நாடுகளைச் சோ்ந்த வீரா், வீராங்கனைகள் பங்கேற்கிறாா்கள்.

இதில் 23 வயதுக்குள்பட்ட சீனியா் மகளிா் பிரிவில் விளையாட கரூா் அரசு மகளிா் கல்லூரியின் வேதியியியல் பாடப் பிரிவு மூன்றாமாண்டு பயிலும் மாணவி ஆா்.பிரவீணா தோ்வு செய்யப்பட்டுள்ளாா். இவருக்கு கரூா் மாவட்ட டென்னிஸ் பந்து கிரிக்கெட் சங்கத்தினா் வாழ்த்து தெரிவித்துள்ளனா்.