பழைய ஓய்வூதிய திட்டத்தை மீண்டும் அமல்படுத்த வேண்டும் என்பன உள்ளிட்ட கோரிக்கைகளை வலியுறுத்தி கரூரில் வியாழக்கிழமை சாலை மறியல் போராட்டத்தில் ஈடுபட்ட தமிழ்நாடு அரசு ஊழியா் சங்கத்தினா் 119 பேரை போலீஸாா் கைது செய்தனா்.

முன்னதாக, கோரிக்கைகளை வலியுறுத்தி மாவட்ட ஆட்சியா் அலுவலக நுழைவு வாயில் முன் கண்டன ஆா்ப்பாட்டத்தில் ஈடுப்பட்டனா். ஆா்ப்பாட்டத்துக்கு சங்கத்தின் மாவட்டத் தலைவா் அன்பழகன் தலைமை வகித்தாா். மாவட்டச் செயலா பொன்.ஜெயராம் முன்னிலை வகித்தாா்.

பங்களிப்பு ஓய்வூதிய திட்டத்தை ரத்து செய்துவிட்டு, மீண்டும் பயனளிப்பு ஓய்வூதிய திட்டத்தை அமல்படுத்த வேண்டும்., அரசுத்துறைகளில் காலியாக உள்ள லட்சக்கணக்கான பணியிடங்களை நிரப்ப வேண்டும் என்பன உள்ளிட்ட 12 அம்ச கோரிக்கைகளை வலியுறுத்தி நடைபெற்ற இந்த ஆா்ப்பாட்டத்தில் அரசு ஊழியா்கள் திரளாக பங்கேற்றனா்.

பின்னா்மாநில துணைத்தலைவா் அம்சராஜ் தலைமையில் அரசு ஊழியா்கள் திண்டுக்கல் சாலையில் அமா்ந்து மறியல் போராட்டத்தில் ஈடுபட்டனா். இதையடுத்து அங்கு பாதுகாப்புப் பணியில் இருந்த நகர துணைக்காவல் கண்காணிப்பாளா் செல்வராஜ் தலைமையிலான போலீஸாா் போராட்டத்தில் ஈடுபட்ட 28 பெண்கள் உள்பட 119 பேரை கைது செய்தனா். பின்னா் அனைவரும் மாலையில் விடுவிக்கப்பட்டனா்.