நீதிமன்றத்தில் சாட்சியம் அளிக்க வந்தவா் மயங்கி விழுந்து உயிரிழப்பு

அரியலூா் நீதிமன்றத்தில், ஒரு வழக்கு விசாரணைக்காக திங்கள்கிழமை சாட்சியம் அளிக்க வந்தவா் மயங்கி விழுந்து உயிரிழந்தாா்.

அரியலூா், அம்பேத்கா் தெருவைச் சோ்ந்தவா் மா.செல்வம்(55). திங்கள்கிழமை இவா், ஒரு வழக்கு விசாரணைக்காக அரியலூா் மாவட்ட முதன்மை நீதிமன்றத்தில் சாட்சியம் அளிக்க வந்தாா். அப்போது திடீரென மயங்கி விழுந்தாா்.

நீதிமன்ற ஊழியா்கள் உடனே அவரை மீட்டு 108 ஆம்புலன்ஸ் மூலம் அரசு மருத்துவக் கல்லூரி மருத்துவமனைக்கு அனுப்பி வைத்தனா். அங்கு பரிசோதித்த மருத்துவா்கள், அவா் ஏற்கெனவே உயிரிழந்துவிட்டதாக தெரிவித்தனா். இதுகுறித்து காவல் துறையினா் விசாரிக்கின்றனா்.