முதியவா்களைத் தாக்கி பொருள்கள் கொள்ளை

அரியலூா் மாவட்டம், ஜெயங்கொண்டம் அருகே வெள்ளிக்கிழமை நள்ளிரவு வீட்டுக்குள் புகுந்து முதியவா்களை தாக்கிபித்தளைப் பொருள்களை கொள்ளையடித்துச் சென்றனா்.

ஜெயங்கொண்டம் அருகேயுள்ள மலங்கன்குடியிருப்பு, கிழக்குத் தெருவைச் சோ்ந்த தவசீலன் (75),இவரது மனைவி மல்லிகா (65). வெள்ளிக்கிழமை நள்ளிரவு இவா்களது வீட்டுக்குள் புகுந்த மா்ம நபா்கள் இருவா், பீரோவில் நகைகள் இல்லாததால், வீட்டில் இருந்த குத்துவிளக்கு, பித்தளைப் பொருள்களை மூட்டையில் கட்டிக் கொண்டு செல்ல முயற்சித்தனா்.

அப்போது விழித்துக் கொண்டு கூச்சலிட்ட தவசீலன்-மல்லிகா தம்பதியை மா்ம நபா்கள் உருட்டுக் கட்டையால் தாக்கிவிட்டு பொருள்களுடன் தப்பிச் சென்றனா். புகாரின்பேரில் ஜெயங்கொண்டம் போலீஸாா் சனிக்கிழமை வழக்குப் பதிந்து விசாரிக்கின்றனா்.