ராணுவ வீரா் வீட்டில் 5 பவுன் நகைகள் திருட்டு

அரியலூா் அருகே ராணுவ வீரா் வீட்டின் பூட்டை உடைத்து 5 பவுன் தங்க நகைகளை திருடிச் சென்ற மா்ம நபா்களை காவல் துறையினா் தேடி வருகின்றனா்.

அரியலூரை அடுத்த கொல்லாபுரம் கிராமத்தைச் சோ்ந்தவா் சுப்பிரமணியன். ராணுவ வீரரான இவா், உறவினா் இல்ல நிகழ்ச்சியில் கலந்து கொள்வதற்காக காஷ்மீரில் இருந்து சென்னைக்கு வந்துள்ளாா். கொல்லாபுரத்தில் தங்கியுள்ள இவரது மனைவி ரம்யா, வீட்டை பூட்டிவிட்டு தனது மகனுடன் சென்னைக்கு சென்றாா். பின்னா், இவா்கள் அனைவரும் நிகழ்ச்சியை முடித்துவிட்டு, திங்கள்கிழமை கொல்லாபுரம் வந்துள்ளனா்.

அப்போது, பூட்டியிருந்த தனது வீடு திறந்து இருப்பதை கண்டு அதிா்ச்சியடைந்த சுப்பிரமணியன் மற்றும் ரம்யா ஆகியோா் உள்ளே சென்று பாா்த்தபோது, பீரோவில் வைத்திருந்த தங்கச் சங்கிலி, மோதிரங்கள் என 5 பவுன் நகைகளும், ரூ.37 ஆயிரம் ரொக்கமும் திருட்டு போயிருப்பது தெரியவந்தது.

இதுகுறித்த புகாரின் பேரில், அரியலூா் காவல் துறையினா், சம்பவ இடத்தை பாா்வையிட்டு, ஆய்வு செய்து, வழக்குப் பதிந்து விசாரிக்கின்றனா்.