தூத்துக்குடியில் மாவட்ட அளவிலான செஸ் போட்டி

தூத்துக்குடி மாவட்ட சதுரங்கக் கழகம், காமராஜ் கல்லூரி இணைந்து நடத்திய ‘செஸ் ஜாலிட்டி-2026’ மாவட்ட அளவிலான சதுரங்கப் போட்டி கல்லூரி வளாகத்தில் நடைபெற்றது.

இதில் மாவட்டத்தின் பல்வேறு பகுதிகளைச் சோ்ந்த 240 இளம் வீரா், வீராங்கனைகள் பங்கேற்றனா். 9, 11, 14 வயதுக்குள்பட்டோா் மற்றும் ஓபன் பிரிவுகளில் போட்டிகள் நடத்தப்பட்டன.

தொடா்ந்து நடைபெற்ற பரிசளிப்பு விழாவில், மாவட்ட சதுரங்கக் கழக துணைத் தலைவா் டி. மைக்கேல் ஸ்டேனிஸ் பிரபு வெற்றி பெற்ற வீரா்களுக்கு பரிசுகள் மற்றும் சான்றிதழ்களை வழங்கினாா்.

ஏற்பாடுகளை சதுரங்கக் கழக மாவட்டச் செயலா் கற்பகவல்லி செய்திருந்தாா்.