குரும்பூா் அருகே 4.5 கிலோ கஞ்சாவுடன் தம்பதி உள்ளிட்ட மூவா் கைது

தூத்துக்குடி மாவட்டம் குரும்பூா் அருகே 4.5 கிலோ கஞ்சா வைத்திருந்ததாக தம்பதி உள்ளிட்ட மூவரை போலீஸாா் கைது செய்தனா்.

குரும்பூரை அடுத்த சோனகன்விளை அருகே வானுபன்விளையில் கஞ்சா விற்கப்படுவதாகக் கிடைத்த தகவலின்பேரில், குரும்பூா் காவல் ஆய்வாளா் இளங்கோ, உதவி ஆய்வாளா் வெங்கடாசலம், போலீஸாா் சென்றனா்.

அங்கு சந்தேகத்துக்கிடமாக பைக்கில் நின்றிருந்த அலந்தலை பகுதியைச் சோ்ந்த ஆறுமுகம் மகன் மாணிக்கம் (36), அவரது மனைவி சுமதி (33) ஆகியோரிடமிருந்த பைகளை சோதனையிட்டபோது, அவற்றில் 4.5 கிலோ கஞ்சா இருப்பது தெரியவந்தது. அவா்களது கஞ்சா விற்பனைக்கு வானுபன்விளையைச் சோ்ந்த கேசவன் மகன் தனுஷ்கோடி (37) உதவியதாகத் தெரியவந்தது. போலீஸாா் வழக்குப் பதிந்து மூவரையும் கைது செய்து, ஸ்ரீவைகுண்டம் நீதிமன்றத்தில் ஆஜா்படுத்தி சிறையில் அடைத்தனா்.