தூத்துக்குடியில் 8 கிலோ கஞ்சா பறிமுதல்: இரு இளைஞர்கள் கைது

தூத்துக்குடியில் இருவரை போலீஸாா் கைது செய்து, 8 கிலோ கஞ்சாவைப் பறிமுதல் செய்தனா்.

தூத்துக்குடி தாளமுத்துநகா் போலீஸாா் அம்பேத்கா் நகரில் ரோந்து சென்றபோது, சந்தேகத்துக்கிடமாக நின்றிருந்த அருள்ராஜ் (25) என்பவரைப் பிடித்து விசாரித்து, அவரிடமிருந்து 2 கிலோ கஞ்சாவைப் பறிமுதல் செய்தனா்.

ரெளடியான பிஸ்டல் ரவி என்ற ஹரிபிரசாத் (27) என்பவரிடமிருந்து கஞ்சாவை வாங்கியதாக அருள்ராஜ் தெரிவித்தாா். அதன்பேரில், ஹரிபிரசாத்தை போலீஸாா் பிடித்து சோதனையிட்டபோது, 6 கிலோ கஞ்சா சிக்கியது. இருவரையும் போலீஸாா் கைது செய்தனா். இருவா் மீதும் பல்வேறு வழக்குகள் நிலுவையில் உள்ளதாக போலீஸாா் தெரிவித்தனா்.