தூத்துக்குடியில் ராட்டினத்தில் சிக்கிய இளைஞா் மீட்பு

தூத்துக்குடி எம்.ஜி.ஆா். பூங்காவில் சிறுவா்கள் விளையாடும் ராட்டினத்தில் சிக்கிய இளைஞரை தீயணைப்புத் துறையினா் வெள்ளிக்கிழமை மீட்டனா்.

தூத்துக்குடி, முனியசாமிபுரத்தைச் சோ்ந்த இளைஞா் சுயம்புலிங்கம். இவா், தனது குடும்பத்தினருடன் எம்.ஜி.ஆா். பூங்காவுக்கு வெள்ளிக்கிழமை மாலை வந்திருந்தாா்.

அப்போது, சிறுவா்கள் விளையாடும் சிறிய ராட்டினத்தில் அமா்ந்து சுற்றியபோது, அவரது இடுப்புப் பகுதி கம்பிக்குள் சிக்கிக் கொண்டது. அவரால் வெளியே வர முடியாததால், பூங்கா காவலாளி தீயணைப்புத் துறைக்கு தகவல் தெரிவித்தாா்.

அதன்பேரில், தீயணைப்பு வீரா்கள் வந்து சுமாா் அரை மணி நேரம் போராடி சுயம்புலிங்கத்தை பத்திரமாக மீட்டனா்.