மாநில கிரிக்கெட் போட்டிக்கு சாகுபுரம் பள்ளி மாணவிகள் தகுதி

ஆறுமுகனேரி அருகே உள்ள சாகுபுரம், கமலாவதி மேல்நிலைப் பள்ளி மாணவிகள் முதல்வா் கோப்பை மாநில கிரிக்கெட் போட்டிக்கு தகுதி பெற்றுள்ளனா்.

முதல்வா் கோப்பைக்கான மாவட்ட அளவிலான பள்ளிகளுக்கு இடையே மாணவிகள் கிரிக்கெட் போட்டி, தூத்துக்குடி வஉசி கல்லூரி மைதானத்தில் நடைபெற்றது. இதில் இறுதிப் போட்டியில் கமலாவதி பள்ளி அணி 19 ரன்கள் வித்தியாசத்தில், தூத்துக்குடி ஹோ­லிகிராஸ் பள்ளி அணியை வென்று, மாவட்ட அளவில் முத­லிடம் பெற்றது.

இதன் மூலம் கமலாவதி பள்ளி மாணவிகள் மாநில அளவிலான போட்டிக்குத் தகுதி பெற்றனா். மாவட்ட அளவில் முத­லிடம் பெற்ற மாணவிகள் பரிசு கோப்பை மற்றும் ரூ. 45,000 பரிசுத் தொகை பெற்றனா்.

மாணவிகளையும், பயிற்சியளித்த உடற்கல்வி ஆசிரியா்களான செல்வம், மணிகண்டன், அழகு காா்த்திக் சங்கா் ஆகியோரையும் பள்ளி அறங்காவலரும் டி.சி.டபிள்யூ. நிறுவன மூத்த செயல் உதவித் தலைவருமான ஜி. ஸ்ரீனிவாசன், மூத்த பொது மேலாளா் பி. ராமச்சந்திரன், பள்ளி ஆலோசகா் உஷா கணேஷ், நிா்வாக அதிகாரி வி. மதன், முதல்வா் இ. ஸ்டீபன் பாலாசிா், துணை முதல்வா் பி. ராம் பிரபு, தலைமையாசிரியை வி. இந்திரா, ஆசிரியா்கள் பாராட்டினா்.