தூத்துக்குடி விநாயகா் கோயிலில் தூய்மைப் பணி

தூத்துக்குடியில் பாஜக சிறுபான்மையினா் அணி சாா்பில், விநாயகா் கோயிலில் தூய்மைப் பணி செவ்வாய்க்கிழமை நடைபெற்றது.

பிரதமா் நரேந்திர மோடியின் பிறந்தநாள், பொது வாழ்வில் அவரது 25 ஆண்டுகால சேவையைக் கொண்டாடும் வகையில், பாஜக சாா்பில் நாடு முழுவதும் ஒரு மாதம் சேவை மாதமாக கொண்டாடப்படுகிறது. அதையொட்டி, ரத்த தான முகாம், தூய்மைப் பணிகள், ஏழை எளியோருக்கு நல உதவி வழங்குதல் உள்ளிட்ட பல்வேறு நிகழ்ச்சிகள் நடத்தப்படுகின்றன.

அதன்படி, தூத்துக்குடி சிவந்தாகுளம் சாலையில் உள்ள கன்னி விநாயகா் கோயிலில் பாஜகவினா் செவ்வாய்க்கிழமை தூய்மைப் பணியில் ஈடுபட்டனா். அணியின் மாநில துணைத் தலைவா் சுவைதாா் தலைமையில் நடைபெற்ற பணியில், முன்னாள் மாவட்டத் தலைவா் பால்ராஜ், கட்சி நிா்வாகிகள், பொதுமக்கள் பங்கேற்றனா்.