நவராத்திரி விழா: திருச்செந்தூரில் விற்பனைக்கு வந்துள்ள கொலு பொம்மைகள்

நவராத்திரி விழாவையொட்டி திருச்செந்தூரில் விற்பனைக்கு வந்துள்ள கொலு பொம்மைகளை பெண்கள் ஆா்வமுடன் வாங்கிச் செல்கின்றனா்.

நவராத்திரியை முன்னிட்டு மக்கள் தங்கள் வீடுகளில் தெய்வங்கள், மனிதா்கள் மற்றும் பிற உயிரினங்களின் களிமண் பொம்மைகளை கொலு வைத்து நாள்தோறும் பூஜை செய்வது வழக்கம். கோயில்களிலும் கொலு வைக்கப்பட்டு, அம்மனுக்கு சிறப்பு பூஜைகள் நடைபெறும்.

நிகழாண்டு நவராத்திரி விழா அக். 11ஆம் தேதி தொடங்கி, 19ஆம் தேதி சரஸ்வதி பூஜை, 20ஆம் தேதி விஜயதசமியுடன் நிறைவுபெற உள்ளது. இதையொட்டி, திருச்செந்தூரில் பல்வேறு விதமான கொலு பொம்மைகள் விற்பனைக்கு வைக்கப்பட்டுள்ளன. அவற்றை பெண்கள் ஆா்வமுடன் வாங்கிச் செல்கின்றனா்.