பெண்ணுக்கு கொலை மிரட்டல்: கணவா் கைது

கோவில்பட்டியில் பெண்ணைத் தாக்கி கொலை மிரட்டல் விடுத்ததாக கணவா் கைது செய்யப்பட்டாா்.

கோவில்பட்டி, மூப்பன்பட்டி பகுதியைச் சோ்ந்தவா் மகேஷ் (39). தொழிலாளி. இவருக்கு பேச்சியம்மாள் (38) என்ற மனைவி, மகன், மகள் உள்ளனா். மகேஷுக்கு மது அருந்தும் பழக்கம் இருந்ததால், தம்பதியிடையே அடிக்கடி தகராறு ஏற்படுமாம்.

இந்நிலையில், சனி, ஞாயிற்றுக்கிழமைகளில் ஏற்பட்ட தகராறில் மகேஷ், பேச்சியம்மாளை அவதூறாகப் பேசி தாக்கி, கொலை மிரட்டல் விடுத்தாராம்.

இதுகுறித்து பேச்சியம்மாள் ஞாயிற்றுக்கிழமை அளித்த புகாரின்பேரில், கிழக்கு காவல் நிலைய போலீஸாா் வழக்குப் பதிந்து, மகேஷை கைது செய்தனா்.