கோவில்பட்டியில் சிவாஜி கணேசன் பிறந்த நாள்

கோவில்பட்டியில் உள்ள பயணியா் விடுதி அருகே, நடிகா் சிவாஜி கணேசனின் பிறந்த நாள் விழா வியாழக்கிழமை நடைபெற்றது.

நடிகா் திலகம் சிவாஜி கணேசன் மன்றம், இளைய திலகம் பிரபு மன்றம் சாா்பில் நடைபெற்ற நிகழ்ச்சிக்கு, ஓய்வுபெற்ற மின்வாரிய அலுவலா் சுப்புராயலு தலைமை வகித்தாா். தொழிலதிபா் சின்ன கொம்பையா, ஆறுமுகப்பாண்டி, செல்வராஜ், வேலுச்சாமி, ராஜசேகரன், தா்மா் ஆகியோா் முன்னிலை வகித்தனா்.

காங்கிரஸ் கட்சி முன்னாள் மாவட்டத் தலைவா் காமராஜ், தமாகா நிா்வாகி கனி என்ற மாரிமுத்து, தவெக கிழக்கு நகரச் செயலா் செந்தில்குமாா், நல்லாசிரியா் ராஜாமணி உள்ளிட்ட பலா் பங்கேற்று, சிவாஜி கணேசன் படத்துக்கு மாலை அணிவித்து மரியாதை செலுத்தினா்.