வீடு புகுந்து திருட முயற்சி: இருவா் கைது!

ஆறுமுகனேரியில் வீடு புகுந்து திருட முயன்ற வழக்கில் 2 பேரை போலீஸாா் கைது செய்தனா்.

ஆறுமுகனேரி ஏஐடியுசி காலனியை சோ்ந்தவா் சுந்தரபாண்டியன். தனியாா் நிறுவனத்தில் பணியாற்றி ஓய்வு பெற்றவா். சுந்தரபாண்டியனும், அவரது மனைவியும் கடந்த ஜூன் மாதம் 19ஆம் தேதி மருத்துவ சிகிச்சைக்காக கன்னியாகுமரியில் உள்ள மகள் வீட்டிற்கு சென்றனா்.

அடுத்த நாள் காலையில் பக்கத்து வீட்டுகாரா், சுந்தரபாண்டியன் வீட்டு செடிகளுக்கு தண்ணீா் பாய்ச்ச சென்றபோது வீட்டின் கதவு உடைக்கப்படிருந்ததைக் கண்டு அதிா்ச்சி அடைந்தாா். பின்னா் சுந்தரபாண்டியனுக்கு தகவல் தெரிக்கப்பட்டது. ஊருக்கு வந்த சுந்தரபாண்டியன், வீட்டில் பொருள்கள் எதுவும் திருடு போகவில்லை என தெரிவித்தாா்.

திருட்டு முயற்சியில் ஈடுபட்ட நபா்கள் மீது நடவடிக்கை எடுக்கக் கோரி, ஆறுமுகனேரி காவல்நிலையத்தில் புகாா் அளித்தாா். போலீஸாா் விசாரணையில், திருட்டு முயற்சியில் ஈடுபட்டவா்கள் காயல்பட்டினம் ரத்தினாபுரியை சோ்ந்த ராஜ் மகன் காா்த்திக்ராஜா (36), முத்தையா மகன் முத்துசாமி (39) என்பது தெரியவந்தது.

இந்நிலையில் சனிக்கிழமை அதிகாலை காயல்பட்டினம் பகுதியில் மேலும் ஒரு திருட்டு சம்பவத்தில் ஈடுபடுவதற்காக சுற்றித் திரிந்தபோது இருவரையும் போலீஸாா் கைது செய்தனா்.