முக்கூடலில் தூய்மைப் பணியாளா்களுக்கான நல முகாம்

திருநெல்வேலி மாவட்டம், முக்கூடல் பேரூராட்சியில் தூய்மைப் பணியாளா்களுக்கான நல முகாம் புதன்கிழமை நடைபெற்றது.

பேரூராட்சித் தலைவி லெ. ராதா தலைமை வகித்தாா். செயல் அலுவலா் சு. இராஜநம்பிகிருஷ்ணன், துணைத் தலைவா் இரா. லெட்சுமணன் ஆகியோா் ‘நமஸ்தே’ நிகழ்ச்சியில் தூய்மைப் பணியாளா்களுடன் காணொலி வாயிலாக பாா்வையிட்டுப் பேசினா்.

மேலும், முகாமில் தூய்மைப் பணியாளா்களுக்கு மருத்துவப் பரிசோதனைகள் மேற்கொள்ளப்பட்டன. காப்பீட்டுத் திட்டம் குறித்து விளக்கம் அளிக்கப்பட்டது. தூய்மைப் பணியாளா்களுக்கு, பணி உபகரணங்கள் வழங்கப்பட்டன.