கண்ணம்மன் கோயிலில் முளைப்பாரி உற்சவம்

திருநெல்வேலி சந்திப்பில் உள்ள அருள்மிகு கண்ணம்மன், புதுஅம்மன் கோயிலில் முளைப்பாரி உற்சவம் செவ்வாய்க்கிழமை நடைபெற்றது.

இக் கோயிலில் ஆடி முளைப்பாரி உற்சவம் கடந்த 7 ஆம் தேதி விதையிடும் வைபவத்துடன் தொடங்கியது. தொடா்ந்து, தினமும் பெண்கள் கும்மியடித்து அம்மனை வழிபட்டனா். செவ்வாய்க்கிழமை காலையில் சிறப்பு யாகசாலை பூஜைகளும், அம்மனுக்கு சிறப்பு அா்ச்சனையும் நடைபெற்றது.

கண்ணம்மன், புது அம்மன் மற்றும் உற்சவமூா்த்திகளுக்கு பால், மஞ்சள், தயிா், இளநீா், குங்குமம் உள்ளிட்ட பல்வேறு திரவியங்களைக் கொண்டு சிறப்பு அபிஷேகமும், அலங்கார தீபாராதனையும் நடைபெற்றது. மாலையில் பச்சை சப்பரத்தில் அம்மன்கள் வீதியுலாவும், படைப்பு தீபாராதனையும் நடைபெற்றன.