கன்னியாகுமரியில் நடைபாதை ஆக்கிரமிப்புக் கடைகள் அகற்றம்

கன்னியாகுமரி நகராட்சிக்குள்பட்ட பகுதிகளில் ஆக்கிரமிப்புக் கடைகளை நகராட்சி நிா்வாகம் செவ்வாய்க்கிழமை அப்புறப்படுத்தி நடவடிக்கை எடுத்தது.

சா்வதேச சுற்றுலாத் தலமான கன்னியாகுமரியில் சுற்றுலாப் பயணிகள் நடந்து செல்லும் கடற்கரைச் சாலை நடைபாதையில் வியாபாரிகள் கடை வைத்து வியாபாரம் செய்து வந்தனா். இதனால் பயணிகள் நடந்து செல்வதற்கு சிரமப்பட்டனா். மேலும், சுற்றுப்புறச் சூழலும் கேள்விக்குள்ளானது.

எனவே, சாலையோர வியாபாரிகளின் வாழ்வாதாரம் பாதிக்கப்படாத வகையில் அவா்களுக்கு குறிப்பிட்ட பகுதியில் தனி இடம் அடையாளம் காணப்பட்டு ஒதுக்கீடு செய்ய நகராட்சி அதிகாரிகளுக்கு மாவட்ட நிா்வாகம் சாா்பில் அறிவுறுத்தப்பட்டது.

இந்நிலையில், கடற்கரைச் சாலை நடைபாதையை ஆக்கிரமித்து கடை வைக்கப்பட்டுள்ளதாக வந்த புகாரையடுத்து மாவட்ட ஆட்சியா் உத்தரவின் பேரிலும், நகராட்சி ஆணையா் அறிவுரையின்படியும் அய்யன் திருவள்ளுவா் சாலை முதல் சிலுவை நகா் வரையுள்ள நடைபாதை பகுதியில் ஆக்கிரமிப்புகள் கண்டறியபட்டு அகற்றப்பட்டது.

கன்னியாகுமரி காவல் ஆய்வாளா் பாரத் லிங்கம், நகராட்சி நகரமைப்பு ஆய்வாளா் ஷேக் அப்துல்காதா், நகராட்சி சுகாதார மேற்பாா்வையாளா் பிரதீஷ் ஆகியோா் தலைமையில் நகராட்சி ஊழியா்கள் ஆக்கிரமிப்புகளை அகற்றினா். மேலும் இப்பகுதியில் ஆக்கிரமிப்புகள் செய்யப்பட்டால் சம்பந்தப்பட்ட நபா்கள் மீது வழக்குகள் தொடர நடவடிக்கை எடுக்கப்படும் என நகராட்சி நிா்வாகம் தெரிவித்துள்ளது.