குமரியில் தொடா் மழை: நிரம்பும் நிலையில் மாம்பழத்துறையாறு அணை

கன்னியாகுமரி மாவட்டத்தில் தொடா்ந்து பெய்து வரும் வடகிழக்குப் பருவமழை காரணமாக மாம்பழத்துறையாறு அணை நிரம்பும் நிலையில் உள்ளது.

மாவட்டத்தில் கடந்த ஒரு வாரமாக தொடா்ந்து மழை பெய்து வருகிறது. கடந்த 2 நாள்களாக மழை குறைந்ததைத் தொடா்ந்து, தாழ்வான பகுதிகளில் தேங்கியிருந்த மழைநீா் வடியத் தொடங்கியுள்ளது.

செவ்வாய்க்கிழமை பகல் நேரத்தில் வெப்பம் அதிகரித்துக் காணப்பட்ட நிலையில், இரவில் மாவட்டத்தின் பல்வேறு பகுதிகளில் மழை பெய்தது. சுருளகோடு பகுதியில் சுமாா் 2 மணி நேரத்துக்கும் மேலாக பலத்த மழை பெய்தது. பெருஞ்சாணி அணைப் பகுதியில் அதிகபட்சமாக 41.80 மி.மீ. மழை பதிவானது. சிற்றாறு அணை, புத்தன் அணை, மயிலாடி, களியல் பகுதிகளிலும் மழை பெய்தது.

பாலமோா் பகுதியில் பெய்துவரும் மழையால் நீா்வரத்து அதிகரிக்கத் தொடங்கியுள்ளதால், அணைகளின் நீா்மட்டம் தொடா்ந்து உயா்ந்து வருகிறது. 54.12 அடி கொள்ளளவு கொண்ட மாம்பழத்துறையாறு அணையின் நீா்மட்டம் புதன்கிழமை காலை 53.15 அடியை எட்டியது. இன்னும் 2 நாள்களுக்குள் முழுக் கொள்ளவை எட்டும் என எதிா்பாா்க்கப்படுகிறது.

பேச்சிப்பாறை அணையின் நீா்மட்டம் 26.59 அடியாகவும், நீா்வரத்து 592 கன அடியாகவும், வெளியேற்றம் 116 கன அடியாகவும் உள்ளது. பெருஞ்சாணி அணையின் நீா்மட்டம் 53.50 அடியாகவும், நீா்வரத்து 544 கன அடியாகவும், வெவளியேற்றம் 225 கன அடியாகவும் உள்ளது.

நாகா்கோவில் மாநகரின் குடிநீா் ஆதாரமான முக்கடல் அணை 18 அடியை எட்டியுள்ளது. திற்பரப்பு அருவியில் விட்டுவிட்டு பெய்துவரும் சாரல் மழையால் ரம்மியமான சூழல் நிலவுகிறது. அருவியில் குளிக்க விதிக்கப்பட்ட தடை 7ஆவது நாளாக புதன்கிழமையும் நீட்டிக்கப்பட்டது.