கட்டட ஒப்பந்ததாரரிடம் 5 பவுன் நகையைப் பறித்ததாக பெண் யூடியூபா் மீது வழக்கு

திருநெல்வேலியைச் சோ்ந்த கட்டட ஒப்பந்ததாரரிடமிருந்து 5 பவுன் நகையைத் திருடியதாக நாகா்கோவிலைச் சோ்ந்த பெண் யூடிபா் மீது போலீஸாா் வழக்குப் பதிந்து விசாரித்து வருகின்றனா்.

திருநெல்வேலி கே.டி.சி. நகரைச் சோ்ந்த கட்டட ஒப்பந்ததாரா் பேச்சிமுத்து (38). இவா், கன்னியாகுமரி மாவட்டம் ராஜாக்கமங்கலம் காவல் நிலையத்தில் ஆன்லைன் வாயிலாக அளித்த புகாா் மனு:

நான் பிசியோதெரபி சிகிச்சை பெற்றபோது, நாகா்கோவிலைச் சோ்ந்த யூடியூபா் மதுமிதா என்பவருடன் பழக்கம் ஏற்பட்டது. 2022ஆம் ஆண்டு திருநெல்வேலி நீதிமன்றம் அருகே எனது வாகனத்தில் ஏறிய அவரை, திருநெல்வேலி பேருந்து நிலையத்தில் இறக்கிவிட்டு, எனது வீட்டுக்குச் சென்றேன்.

அப்போது, நான் அணிந்திருந்த 5 பவுன் சங்கிலியைக் காணவில்லை. இதுகுறித்து கேட்டபோது, அவா் என்னை மிரட்டியதால், நான் உடனே புகாரளிக்கவில்லை. எனவே, அவா் மீது நடவடிக்கை மேற்கொள்ள வேண்டும் எனக் குறிப்பிட்டுள்ளாா்.

புகாா் குறித்து போலீஸாா் வழக்குப் பதிந்து விசாரித்து வருகின்றனா். இந்தச் சம்பவம் திருநெல்வேலி மாவட்டத்தில் நடந்ததாகக் கூறப்படுவதால், மேல் நடவடிக்கைக்காக இந்த வழக்கை அங்கு மாற்றுவதற்கான பணி நடைபெறுகிறது.

மதுமிதா வீட்டில் சில நாள்களுக்கு முன் 118 பவுன் நகைகள் திருட்டுப்போன நிலையில், தற்போது அவா் மீது நகை திருட்டு புகாா் எழுந்துள்ளது.