சிறுமிக்கு பாலியல் வன்கொடுமை: தொழிலாளிக்கு 27 ஆண்டுகள் சிறை

கன்னியாகுமரி மாவட்டம், அருமனை அருகே 17 வயது சிறுமியை பாலியல் வன்கொடுமை செய்தது தொடா்பான வழக்கில் தொழிலாளிக்கு 27 ஆண்டுகள் சிறை தண்டனை விதிக்கப்பட்டது.

அருமனை, வள்ளியத்தோட்டம் பகுதியை சோ்ந்த சதானந்தன் மகன் சதீஷ்குமாா் (34). தொழிலாளி. இவா், அப்பகுதியைச் சோ்ந்த 17 வயது சிறுமியை கடந்த 2019 ஆம் ஆண்டு பாலியல் வன்கொடுமை செய்தாராம். இதுகுறித்து மாா்த்தாண்டம் அனைத்து மகளிா் காவல் நிலைய போலீஸாா் போக்ஸோ சட்டத்தின்கீழ் வழக்குப்பதிந்து அவரை கைது செய்தனா்.

நாகா்கோவில் போக்ஸோ நீதிமன்றத்தில் நடைபெற்று வந்த இவ்வழக்கில், சதீஷ்குமாருக்கு 27 ஆண்டுகள் சிறை தண்டனையும், ரூ. 12 ஆயிரம் அபராதமும் விதித்து நீதிபதி சுந்தரையா திங்கள்கிழமை தீா்ப்பு கூறினாா்.

இவ்வழக்கில் திறம்பட செயல்பட்ட குளச்சல் துணை காவல் கண்காணிப்பாளா், அனைத்து மகளிா் காவல் நிலைய ஆய்வாளா், அரசு வழக்குரைஞா் ஆகியோரை மாவட்ட காவல் கண்காணிப்பாளா் இரா.ஸ்டாலின் பாராட்டினாா்.