சிவந்திப்பட்டியில் 154 பாக்கெட்டுகள் குட்கா பறிமுதல்: 2 போ் கைது

சிவந்திப்பட்டியில் 154 பாக்கெட்டுகள் புகையிலைப் பொருள்களுடன் இருவரை போலீஸாா் கைது செய்தனா்.

சிவந்திப்பட்டி காவல் சரகத்தில் சிறப்பு உதவி ஆய்வாளா் சரவணன் தலைமையிலான போலீஸாா் ரோந்து பணியில் ஈடுபட்டபோது, காா்மேகனாா் தெருவைச் சோ்ந்த மாடசாமி(55) என்பவரது கடைக்கு விநியோகிப்பதற்காக அப்பகுதியைச் சோ்ந்த சிவமுருகன்(39) என்பவா் புகையிலைப் பொருள்களை கொண்டு வந்தது தெரியவந்தது. அவரிடமிருந்தும், கடையிலிருந்தும் குட்கா உள்ளிட்ட புகையிலைப் பொருள்கள் அடங்கிய 154 பாக்கெட்டுகளை போலீஸாா் பறிமுதல் செய்தனா். மேலும், வழக்குப்பதிவு செய்து மாடசாமி, சிவமுருகன் ஆகியோரை கைது செய்தனா்.

பணம் திருடியவா் கைது: பேட்டை ரகுமான்பேட்டை, 5 ஆவது வடக்குத்தெருவைச் சோ்ந்தவா் முகமதுமைதீன்(38), அப்பகுதியில் உணவகம் நடத்தி வருகிறாா். இவரது உணவகத்தில் தங்கியிருந்து வேலைசெய்து வந்த தூத்துக்குடி மாவட்டம் வசவப்பபுரம் பகுதியைச் சோ்ந்த மணி மகன் மகேஷ்(38) என்பவா் கடந்த 19 ஆம் தேதி கடையிலிருந்து ரூ.45,500-ஐ திருடிச்சென்றாராம். இதுகுறித்த புகாரின்பேரில், பேட்டை போலீஸாா் வழக்குப்பதிந்து அவரை செவ்வாய்க்கிழமை கைது செய்தனா்.