களக்காடு அருகே இளைஞா் கொலையில் மேலும் 2 போ் கைது

திருநெல்வேலி மாவட்டம், களக்காடு அருகே இளைஞா் வெட்டிக் கொலை செய்யப்பட்டது தொடா்பாக மேலும் 2 போ் திங்கள்கிழமை கைது செய்யப்பட்டனா்.

களக்காடு அருகே உள்ள கீழத் தேவநல்லூரைச் சோ்ந்த கட்டடத் தொழிலாளி ரமேஷ்ராம் (33). இவா் முன்விரோதத்தில் சனிக்கிழமை இரவு மா்ம நபா்களால் வெட்டிக் கொலை செய்யப்பட்டாா். இதுகுறித்து, களக்காடு போலீஸாா் வழக்குப் பதிந்து, விசாரணை நடத்தி கல்லிடைக்குறிச்சியைச் சோ்ந்த ஸ்ரீராம் பூபதி (18) என்பவரை ஞாயிற்றுக்கிழமை கைது செய்தனா். மேலும் சிலரைத் தேடி வந்தனா்.

இந்த நிலையில், மறுகால்குறிச்சி நடுத்தெருவைச் சோ்ந்த அருணாசலம் மகன் இசக்கிப்பாண்டி (19), தேவநல்லூா் அருகேயுள்ள மேலக்காடுவெட்டியைச் சோ்ந்த சுடலைக்கண்ணு மகன் மகேஷ்நயினாா் (18) ஆகியோரை திங்கள்கிழமை கைது செய்தனா். இந்த கொலை வழக்கு தொடா்பாக மேலும் சிலரை போலீஸாா் தொடா்ந்து தேடி வருகின்றனா்.