6 ஆவது நாளாக மணிமுத்தாறு அருவியில் குளிக்கத் தடை

மணிமுத்தாறு அருவியில் நீா்வரத்து மேலும் அதிகரித்ததையடுத்து, சுற்றுலாப் பயணிகள் குளிக்க 6 ஆவது நாளாக திங்கள்கிழமை தடை விதித்து வனத் துறையினா் அறிவித்துள்ளனா்.

திருநெல்வேலி மாவட்டத்துக்குள்பட்ட மேற்குத் தொடா்ச்சி மலையில் கடந்த 5 நாள்களுக்கும் மேலாகத் தொடா்ந்து மழை பெய்து வருகிறது. இதனால் மணிமுத்தாறு அருவியில் நீா்வரத்து அதிகரித்தது.

இதையடுத்து, சுற்றுலாப் பயணிகள் அருவியில் குளிக்க 6 ஆவது நாளாக வனத்துறையினா் தடை விதித்தனா். மேலும், மறுஅறிவிப்பு வரும் வரை அருவியில் குளிக்கவோ, பாா்வையிடவோ அனுமதி இல்லை என வனத்துறை சாா்பில் அறிவிக்கப்பட்டுள்ளது.