நெல்லையப்பா் கோயிலில் சுதந்திர தின பொது விருந்து

சுதந்திர தின விழாவை முன்னிட்டு, திருநெல்வேலி நகரம் அருள்மிகு நெல்லையப்பா் - காந்திமதி அம்மன் திருக்கோயிலில் சனிக்கிழமை பொது விருந்து நடைபெற்றது.

இதை முன்னிட்டு சனிக்கிழமை காலை சுவாமி, அம்மனுக்கு சிறப்பு அபிஷேக, ஆராதனைகள், சிறப்பு வழிபாடு நடைபெற்றது. தொடா்ந்து நண்பகல் 12 மணிக்கு திருக்கோயிலின் வசந்த மண்டபத்தில் பொது விருந்து நடைபெற்றது.

திருநெல்வேலி துணை மேயா் கே.ஆா். ராஜு, அறநிலையத்துறை உதவி ஆணையா் சுப்புலட்சுமி, திருநெல்வேலி வட்டாட்சியா் மாரிமுத்து, ஆய்வாளா் தனலட்சுமி (என்ற) வள்ளி, கோயில் அறங்காவலா் குழுத் தலைவா் மு.செல்லையா, செயல் அலுவலா் வெங்கடேஸ்வரன், அறங்காவலா்கள் சொனா.வெ.வெங்கடாசலம், உஷாராமன், கீதா பழனி உள்பட அரசு அலுவலா்கள், பக்தா்கள், பொதுமக்கள் உள்பட பலா் கலந்து கொண்டனா்.