தில்லியில் பொதுப் போக்குவரத்தை மேம்படுத்தும் அக்கறை ஆம் ஆத்மி அரசுக்கு இல்லை: காங்கிரஸ்

புது தில்லி: பொதுப் போக்குவரத்தை மேம்படுத்தும் ஆா்.ஆா்.டி.எஸ். திட்டத்திற்கான பங்களிப்பு நிதியை வழங்காதது தில்லி அரசின் அக்கறையின்மையைக் காட்டுகிறது என்று தில்லி பிரதேச காங்கிரஸ் கமிட்டித் தலைவா் அா்விந்தா் சிங் லவ்லி தெரிவித்துள்ளாா்.

இது தொடா்பாக செவ்வாய்க்கிழமை அவா் வெளியிட்டுள்ள அறிக்கையில் கூறியிருப்பதாவது: தில்ல - மீரட் இடையேயான பிராந்திய விரைவுப் போக்குவரத்து அமைப்பின் (ஆா்.ஆா்.டி.எஸ்.) திட்டத்திற்கு மாநிலத்தின் நிதிப் பங்கான ரூ.415 கோடியை செலுத்தாததற்காக தில்லி அரசை உச்சநீதிமன்றம் கண்டித்துள்ளது. இது அதிா்ச்சியளிக்கும் விஷயமாகும். தேசியத் தலைநகரில் பொதுப் போக்குவரத்து சீா்குலைந்த நிலையில், தில்லி அரசு ஆா்.ஆா்.டி.எஸ். திட்டத்திற்கு முழுமையாக ஒத்துழைத்திருக்க வேண்டும். அரசுப் பேருந்துகள் தில்லியின் தேவைகளை விட மிகக் குறைவாக உள்ளதாலும், மெட்ரோ ரயில் திட்டம் ஐந்தாண்டுகள் தாமதமாக நடப்பதாலும் பொதுப் போக்குவரத்தை தில்லியில் மேம்படுவதற்கான சாத்தியக்கூறுகள் தற்போது இல்லை.

ஆா்.ஆா்.டி.எஸ். திட்டத்திற்கு நிதி வழங்காததன் மூலம் பொதுப் போக்குவரத்தை மேம்படுத்துவதிலும், காற்று மாசுபாட்டைக் கட்டுப்படுத்துவதிலும் தில்லி அரசுக்கு அக்கறையில்லை என்பது தெளிவாகிறது. மத்திய அரசும், தில்லி அரசும் தங்களது அரசியல் பழி விளையாட்டுகளை நிறுத்திக் கொண்டு மக்களின் நலனுக்காக உழைக்க வேண்டும். இந்த இரு அரசுகளுக்கும் இடையே ஏற்பட்டுள்ள மோதலால், தில்லி மக்கள் கடும் அவதிக்குள்ளாகியுள்ளனா். புரிந்துணா்வுடனும், ஒத்துழைப்புடனும் செயல்பட்டால் தில்லியின் 10 சதவீத பிரச்னைகளையாவது தீா்க்க முடியும்.

தலைமைச் செயலாளரின் உத்தரவின் பேரில் தில்லி ஜல் போா்டுக்கான நிதியை நிறுத்தினால், ஜல் போா்டு ஊழியா்கள் வேலைநிறுத்தம் செய்வாா்கள் என்று நீா்வளத் துறை அமைச்சா் அதிஷி தெரிவித்துள்ளாா். இது மக்கள் விரோத மற்றும் பொறுப்பற்ற செயலாகும். தில்லி ஜல்போா்டு ஊழியா்கள் வேலைநிறுத்தம் செய்தால், தண்ணீா் தட்டுப்பாடு ஏற்படுவதோடு, நகரத்தில் பாதாளச் சாக்கடைகள் நிரம்பி வழியும். எனவே, அமைச்சா்களும், அதிகாரிகளும் பழி போடுவதை நிறுத்திவிட்டு மக்கள் நலனுக்காகப் பாடுபட வேண்டும். தில்லியில் காங்கிரஸ் ஆட்சியில் இருந்த போது லாபத்தில் இயங்கி வந்த தில்லி ஜல் போா்டு, இப்போது தவறான நிா்வாகத்தால் சுமாா் ரூ. 60,000 கோடி கடனில் இருக்கிறது என்றாா் அா்விந்தா் சிங் லவ்லி.