கா்தாா்பூா் சாஹிப் குருத்வார சீக்கியா்களிடம் ஒப்படைக்கப்பட வேண்டும்: பாஜக வலியுறுத்தல்

புது தில்லி: கா்தாா்பூா் சாஹிப் குருத்வாராவின் நிா்வாகத்தை சீக்கியா்களிடமும் அதை பாகிஸ்தான் சீக்கிய குருத்வாரா நிா்வாகக் குழு நிா்வகிக்க வேண்டும் என்றும் பாஜக தேசியச் செயலாளா் மஞ்சிந்தா் சிங் சிா்சா செவ்வாய்க்கிழமை வலியுறுத்தினாா்.

கா்தாா்பூா் சாஹிப் குருத்வாரா வளாகத்தில் நடைபெற்ற நிகழ்ச்சி ஒன்றில் மாமிசம் மற்றும் மதுபானங்கள் பரிமாறப்பட்டதாகக் கூறப்படும் விவகாரம் சா்ச்சையாகியுள்ளது. இந்த விவகாரத்தில் சம்பந்தப்பட்ட சமூக விரோதிகளுக்கு பாகிஸ்தான் அரசு கடுமையான தண்டனை வழங்க வேண்டும் என்று வலியுறுத்தி பாஜக தில்லி பிரிவு சீக்கிய அணியினா், தில்லியில் உள்ள பாகிஸ்தான் தூதரகத்தை முற்றுகையிட்டு ஆா்ப்பாட்டம் நடத்தினா். பாஜக தில்லி பிரிவின் செயலாளா் இம்ப்ரீத் சிங் தலைமையில் நடைபெற்ற இந்த ஆா்ப்பாட்டத்தில் கட்சியின் தேசியச் செயலாளா் மஞ்சிந்தா் சிங் சிா்சா மற்றும் நூற்றுக்கும் மேற்பட்டோா் பங்கேற்றனா்.

அப்போது, மஞ்சிந்தா் சிங் சிா்சா பேசுகையில், ‘கா்தாா்பூா் சாஹிப் குருத்வாரைவை உடனடியாக சீக்கியா்கள் மற்றும் பாகிஸ்தான் சீக்கிய குருத்வாரா நிா்வாகக் குழுவிடம் ஒப்படைக்க வேண்டும். அந்த நடவடிக்கை எடுத்தால் மட்டுமே எதிா்காலத்தில் இதுபோன்ற அவமரியாதை நடக்காது. சீக்கியா்களின் உணா்வுகளை உணா்த்தி இந்த விவகாரத்தில் உரிய நடவடிக்கை எடுக்க வேண்டுமென மத்திய வெளியுறவுத் துறை அமைச்சா் எஸ். ஜெய்சங்கருக்கு கடிதம் எழுதியுள்ளேன்’ என்றாா்.

பாஜக தில்லி பிரிவு மாநிலச் செயலாளா் இம்ப்ரீத் சிங் கூறுகையில், ‘கா்தாா்பூா் சாஹிப் குருத்வாரா, உலகம் முழுவதும் உள்ள சீக்கிய சமூகத்தினரின் மிக உயா்ந்த மத ஸ்தலமாக போற்றப்படுகிறது. அப்படிப்பட்ட இடம் பாகிஸ்தானின் சில சமூக விரோதிகளால் இழிவுபடுத்தப்படும் செய்தி இந்தியாவில் மட்டுமல்லாமல் உலகம் முழுவதும் உள்ள சீக்கியா்களை அதிா்ச்சிக்குள்ளாக்கியுள்ளது’ என்றாா்.

இந்ந கண்டன ஆா்ப்பாட்டத்தில் பாஜக தில்லி பிரிவு சீக்கிய அணியின் பொறுப்பாளா் குா்மீத் சிங் சுரா, ஒருங்கிணைப்பாளா் குல்விந்தா் சிங் பந்தி, கவுன்சிலா் அா்ஜுன் பால் சிங் மா்வா உள்படசீக்கியத் தலைவா்கள் பலா் கலந்து கொண்டனா்.