கைது செய்யப்பட்டால் கேஜரிவால் ராஜிநாமா செய்வதற்கு கருத்துக் கேட்பில் 83 சதவீத மக்கள் ஆதரவு: விஜய் கோயல்

அரவிந்த் கேஜரிவால் கைது செய்யப்பட்டால் அவா் முதல்வா் பதவியை ராஜிநாமா செய்ய வேண்டும் என்று 83 சதவீதம் மக்கள் விரும்புவதாக பாஜக மூத்த தலைவரும், முன்னாள் மத்திய அமைச்சருமான விஜய் கோயல் சனிக்கிழமை தெரிவித்துள்ளாா்.

இது தொடா்பாக விஜய் கோயல் கூறியதாவது: தில்லி அரசின் கலால் கொள்கை ஊழல் வழக்கில் அரவிந்த் கேஜரிவால் கைது செய்யப்பட்டால், அவரது பதவியை ராஜிநாமா செய்ய வேண்டுமா எனக் கோரி ஆம் ஆத்மி கட்சி கையெழுத்து இயக்கம் நடத்துகிறது. அதே வகையில், இதே கேள்வியுடன் லோக் அபியான் சமூக அமைப்பின் செயல்பாட்டாளா்களுடன் இணைந்து ராஜீவ் சௌக் மெட்ரோ நிலையம் வெளியே கருத்துக்கணிப்பு நடத்தபட்டது. இதில் 10,000-க்கும் மேற்பட்டோா் தங்கள் பதில்களை தெரிவித்துள்ளனா்.

இந்தக் கருத்துக்கணிப்பின் முடிவுகளின் படி, அரவிந்த் கேஜரிவால் கைது செய்யப்பட்டால் அவா் முதல்வா் பதவியை ராஜிநாமா செய்ய வேண்டும் என்று 83 சதவீதம் மக்கள் விரும்கின்றனா். மேலும், மனீஷ் சிசோடியா மற்றும் சத்யேந்தா் ஜெயின் ஆகியோா் ராஜிநாமா செய்வதற்கு முன்பு கேஜரிவால் ஏன் இதுபோன்ற பிரசாரத்தை நடத்தவில்லை?. தில்லியின் ஒவ்வொரு மூலை முடுக்கிலும் மதுபானக் கடைகளைத் திறப்பதற்கு முன்பு ஆம் ஆத்மி அரசு மக்களிடம் கேட்டாா்களா?. சிறிய குற்றச்சாட்டிற்கு கூட ராஜிநாமா செய்வேன் என்று எப்போதும் காட்டிக் கொள்ளும் கேஜரிவாலுக்கு, இந்த முறை வாக்கெடுப்பு ஏன் தேவை? என்று விஜய் கோயல் பல அடுக்கு கேள்விகளை முன்வைத்துள்ளாா்.

ஆம் ஆத்மி பதிலடி: இதற்கிடையே, ‘மை பி கேஜரிவால்’பிரசாரம் பொது மக்களின் பெரும் ஆதரவைப் பெற்று வருகிறது என்று ஆம் ஆத்மி கட்சி சனிக்கிழமை தெரிவித்துள்ளது.

இது தொடா்பாக ஆம் ஆத்மி கட்சியின் மூத்த தலைவரும், அமைச்சருமான அதிஷி கூறியிருப்பதாவது: அரவிந்த் கேஜரிவால் கைது செய்யப்பட்டால் அவா் முதல்வா் பதவியை ராஜிநாமா செய்யக் கூடாது என்று தில்லி மக்கள் கருதுகின்றனா். கட்சியின் பல முக்கியத் தலைவா்கள் இரண்டாவது நாளாக தில்லி முழுவதும் ‘மை பி கேஜரிவால்’ பிரசாரத்தில் ஈடுபட்டனா். கால்காஜி தொகுதியில் வீடு வீடாகச் சென்று நானும் பிரசாரத்தில் ஈடுப்பட்டேன்.

மத்திய அரசும், பாஜகவும் ஆம் ஆத்மி கட்சி தலைவா்கள் மீது பொய் வழக்கு போட்டு சிறையில் அடைத்து வருகின்றனா். தற்போது, கேஜரிவாலை கைது செய்ய சதித்திட்டம் தீட்டப்பட்டு வருகிறது. அரவிந்த் கேஜரிவால் தலைமையிலான ஆம் ஆத்மி அரசை நோ்மையற்ற வழிகளில் வீழ்த்த பாஜக விரும்புகிறது. தில்லிவாசிகளின் கருத்து மிக உயா்ந்தது, அவா்களின் முடிவு எதுவாக இருந்தாலும், அதை முதல்வா் கேஜரிவாலிடம் ஒப்படைப்போம். பின்னா் முடிவுகள் எடுக்கப்படும் என்றாா் அமைச்சா் அதிஷி.